Ağrı və qızdırma krem Kapsador 0.075% 45 q

Kapsador, 0, 075% krem Kapsador tərkibi Təsiredici maddə: 1 q kremin tərkibinə 0, 75 mq kapsaisin vardır. Əks göstərişlər • Kapsaisinə və ya Kapsador kreminin tərkibinə daxil olan hər hansı bir köməkçi maddəyə qarşı yüksəlmiş həssaslıq; • Qıcıqlanmış və ya zədələnmiş dəri üzərinə istifadə. Hamiləlik və laktasiya dövründə istifadəsi Hamiləlik kateqoriyası: C. Reproduktiv dövrdə olan qadınlar/Doğuşa nəzarət (kontrasepsiya) Reproduktiv qabiliyyətə malik qadınlarda istifadəsi ilə bağlı kifayət qədər məlumat yoxdur. Hamiləlik dövrü Hamiləlik zamanı heyvanlar üzərində preparatın təsiri haqqında tədqiqatlar kifayət qədər deyil. İnsanlar üçün potensial risk məlum deyil. Hamiləlik və ya laktasiya dövründə kapsaisinin təhlükəsizliyi nə insanlarda, nə də heyvanlarda müəyyən edilməmişdir. Bununla belə, preparatın trasdermal yol ilə istifadəsi zamanı qana az miqdarda sorulduğu üçün kapsaisinin insanlarda hər hansı bir əlavə təsirə səbəb olma ehtimalı azdır. Laktasiya dövrü Həkim nəzarəti altında istifadə olunmalıdır. Reproduktiv qabiliyyət/Fertillik Kapsaisinin reproduktiv qabiliyyətə və fertilliyə təsiri müəyyən olunmamışdır. İstifadə qaydası və dozası Kapsador krem zədənməmiş dəridə yerli tətbiq olunur. İstifadə rejimi Gündə 3 və ya 4 dəfə istifadə olunur. İstifadə üsulu Krem az miqdarda (noxud ölçüsü qədər) ağrı nahiyəsinə tətbiq olunur; dəri səthinə tamamilə sorulanadək masaj qapağı vasitəsilə yavaş-yavaş yeridilməlidir. Əllər Kapsador kreminin istifadəsindən sonra dərhal yuyulmalıdır. Kremin gözətrafi hahiyəyə tətbiq edilməməlidir. Ağrılı diabetik periferik polineyropatiyanın simptomatik müalicəsində krem yalnız həkim mütəxəssisin məsləhəti ilə və tibbi nəzarət altında istifadə etməlidirlər. İstifadə tezliyi və müalicə müddəti Krem ağrılı nahiyəyə gündə 3 və ya 4 dəfə tətbiq olunmalıdır. Krem xəstənin oyaq saatlarında fasilələr 4 saatdan çox olmadan bərabər dövrlərlə istifadə edilməlidir. Ağrılı diabetik periferik polinevropatiyanın müalicəsində 8 həftədən artıq müddətdə istifadəsinə dair hər hansı bir klinik dəlil olmadığından ilk mərhələdə tövsiyə olunan istifadə müddəti 8 həftədir. Göstərilmiş müddətdən sonra müalicənin davam etməsinə ehtiyac olduqda növbəti mərhələyə keçməzdən əvvəl xəstənin klinik vəziyyəti tamamən qiymətləndirilməli və yalnız bundan sonra tibbi nəzarət və vaxtaşırı klinik qiymətləndirilmə şərti ilə müalicə davam edilə bilər.

• Məhsul haqqında məlumat: Brend: Capsador
• Brend: Capsador
• Xüsusiyyətlər Brend: Capsador